"HAU DA GREEN" 2023 LEHIAKETAREN OINARRIAK ETA SARIAK

SARRERA

“Hau da green” Rural Kutxak, Ur Partzuergoak eta Diario El Correok sustatutako ekimena da, eta gizartea ingurumenaren arloan sentsibilizatzea du helburu, batez ere gazteak, baita gazteen artean jokabide ekologikoak sustatzea eta jasangarritasunaren inguruan kontzientziatzea ere. Lehiaketaren bidez, ingurumenean laguntzeko ekimenak sustatu nahi dira. Horregatik, 7 egunetan zehar egindako eta gazteek aurkeztutako proiektuak sarituko dira, bi kategoria zehatz hauetan: ”12 eta 16 urte bitartekoak” eta “16 eta 20 urte bitartekoak”.

XEDEA

Deialdi honen xedea da proiektu batzuk hautatu eta horiek epaimahai bati aurkeztea; epaimahaia jasangarritasunaren eta gizarte-ekintzaren arloan ospe handia duten pertsonek osatuko dute. Proiektuak hautatzeko orduan, oinarri hauetan ezarritako irizpideak hartuko dira kontuan: proiektuaren kalitatea, originaltasuna, proiektua NBEren Garapen Jasangarrirako 17 Helburuetako bati edo batzuei atxikita dagoen, helburuak 7 egunetan lortzeko modukoak diren, eta abar. Hautatutako proiektuen artean, kategoria bakoitzeko 3 irabazleak aukeratuko dira. Gainera, bi sari berezi egongo dira: Basoberritzeko proiektuentzako Green saria eta urarekin lotutako proiektuentzako Blue saria.

KATEGORIAK

Bi kategoria sarituko dira, parte-hartzaileen adinaren arabera:
- “12 eta 16 urte bitartekoak”
- “16 eta 20 urte bitartekoak”

SARIAK

Kategoria bakoitzeko talde irabazleak:
- Trofeoa
- Diploma taldeko kide guztientzat
- 1.000 €-ko saria opari-txarteletan
- Proiektuari buruzko artikulua El Correon eta elcorreo.com webgunean
Kategoria bakoitzeko 2. eta 3. taldeak:
- Trofeoa
- Diploma taldeko kide guztientzat
- 500 €-ko saria bigarrenarentzat eta 200 €-koa hirugarrenarentzat, opari- txarteletan
- Proiektuari buruzko artikulua El Correon eta elcorreo.com webgunean
●Opari berezi Blue eta Green:
- Trofeoa
- Diploma taldeko kide guztientzat
- 300 €-ko saria talde bakoitzarentzat, opari-txekeetan
- Proiektuari buruzko artikulua El Correon eta elcorreo.com webgunean
●Egokitzat joz gero, antolakuntzak “Originaltasunari saria” ere eman ahal izango dio proiekturik berritzaileenari, hura finalista izan ala ez. Sari hori GARAIKUR bat izango da, eta proiektuari buruzko artikulua El Correon eta elcorreo.com webgunean

BETEKIZUNAK

Programa jarraian zehazten diren baldintzen arabera arautuko da.
Datak:
- 1.Proiektuak aurkezteko azken eguna azaroaren 7a izango da.
- 2.Proiektua azaroaren 8tik 15ra jarri beharko da martxan (7 egun).
- 3.Proiektuaren amaierako txostena azaroaren 17an aurkeztuko da.
- 4.Finalistak azaroaren 27tik 30ra bitartean aukeratuko dira.
- 5.Irabazleak abenduaren 1an argitaratuko dira.
- 6.Sariak abenduaren 11an banatuko dira, Bilbon.
Oinarri hauetan jasotzen diren datak gutxi gorabeherakoak dira, eta, beraz, aldatu egin daitezke. Behin betiko epeak eta datakhaudagreen.elcorreo.com webgunean argitaratuko dira.

Inskripzioa:

Adin nagusiko pertsona batek eman beharko die alta proiektuei, Hau da green lehiaketaren web-orriaren bidez,esteka honetan. 2023ko azaroaren 7a baino lehen jasotako proiektuak bakarrik onartuko dira.
Inskripzioa egin duen pertsonak, adinez nagusia, web-orrian identifikatu beharko du, eta bertan eskatzen diren datu pertsonalak eta proiektuaren datu guztiak adierazi beharko ditu.
Prozesuari buruzko zalantzarik edo erreklamaziorik izanez gero, hautagaiek Batzorde Antolatzailearekin jarri ahal izango dute harremanetan:

Telefonogunea: 94 487 01 00
Posta elektronikoa: eventos@elcorreo.com
Batzorde Antolatzaileak proiektuen aurretiko hautaketa egingo du, eta hautatuei beharrezkoa den dokumentua bidaliko die, proiektuari buruzko informazio gehiago eman dezaten. Batzorde Antolatzaileak Ad-Hoc kideak txertatu ahal izango ditu programaren fase bakoitzean. Batzorde Antolatzaileak aldez aurretik elkarrizketa bat egin ahal izango die aurrez hautatutako proiektu guztiei, horiekin lehenengoz harremanetan jartzeko eta ezarritako betekizunak betetzen diren ebaluatu ahal izateko. Hau da green lehiaketan parte hartzeak esan nahi du oinarri hauek guztiz onartzen direla. Oinarri hauek osatzen dituzten puntuetako edozein onartzen ez bada, proiektua Hau da green lehiaketatik kanpo geratuko da, eta hautatua eta/edo saritua izan bada, sariari uko egin beharko dio automatikoki.

Jakinarazpena:

Lehiaketaren garapenari buruzko jakinarazpen guztiak, kategoria bakoitzean hautatutako proiektuen zerrenda barne,haudagreen.elcorreo.com webgunean argitaratuko dira. Jakinarazpen pertsonal oro webgunean erregistratzeko erabili zen posta elektronikoaren edo telefono-zenbakiaren bidez egingo da.

Pribatutasun-politika:

Parte-hartzaile guztiek adierazi dute El Correoren pribatutasun-politika ezagutzen eta onartzen dutela. Esteka honetan kontsulta daitekehttps://www.vocento.com/politica-privacidad

Beste ohar batzuk
1. Oinarri hauetan jaso ez den ezusteko oro epaimahaiak ebatzi ahal izango du. Epaimahaiaren ustez, aurkeztutako lanek kalitate nahikorik ez badute, sariak bertan behera geratu ahal izango dira.
2. Lehiaketaren oinarriak Espainiako Legeak arautzen ditu. Parte-hartzaileak, dagokien foruari berariaz uko eginez, Bilboko Epaitegi eta Auzitegien mende jarriko dira sor litekeen edozein gatazka ebazteko.